ແຂວງສະຫວັນນະເຂດ, ສປປ ລາວ, ວັນທີ01/03/2024 –ພາຍຫຼັງເປີດໃຫ້ບໍລິການຢູ່ສາຂານະຄອນຫຼວງວຽງຈັນ ແລະ ເມືອງທ່ອງທ່ຽວວັງວຽງ, ບໍລິສັດ Xanh SM Laos ໄດ້ຂະຫຍາຍການບໍລິການລົດແທັກຊີໄຟຟ້າຢ່າງເປັນທາງການໃນແຂວງສະຫວັນນະເຂດ.ເຊິ່ງບໍ່ພຽງແຕ່ເປັນຂີດໝາຍບາດກ້າວແຫ່ງການຈະເລີນເຕີບໂຕຂອງເຄື່ອງໝາຍການຄ້າ Xanh SM ເທົ່ານັ້ນ, ແຕ່ຍັງເປັນການສະແດງໃຫ້ເຫັນເຖິງຄວາມມຸ່ງໝັ້ນຂອງບໍລິສັດຕໍ່ກັບເປົ້າໝາຍຄວາມນິຍົມຂອງລົດໄຟຟ້າ ແລະ ການປົກປັກຮັກສາສິ່ງແວດລ້ອມໃນປະເທດລາວລ້ານຊ້າງອີກດ້ວຍ.
ດັ່ງທີ່ກ່າວມານັ້ນ, ແຕ່ວັນທີ 1 ມີນາ 2024, ປະຊາຊົນທ້ອງຖິ່ນ ແລະ ນັກທ່ອງທ່ຽວທີ່ມາທ່ອງທ່ຽວແຂວງສະຫວັນນະເຂດ ສາມາດໃຊ້ບໍລິການລົດແທັກຊີທີ່ໃຊ້ພະລັງງານໄຟຟ້າ 100%, ດ້ວຍມາດຕະຖານບໍລິການ 5 ດາວ, ຄຸນນະພາບທີ່ໂດດເດັ່ນ ແລະ ມີທີມງານຂັບລົດເປັນມືອາຊີບ. ລູກຄ້າສາມາດເອີ້ນຈອງລົດໄດ້ງ່າຍໆຜ່ານແອັບ ພລິເຄຊັ່ນ Xanh SM Laos, ຕິດຕໍ່ສາຍດ່ວນ 021 988 888 ຫຼື ເອີ້ນຈອງລົດໄດ້ໂດຍກົງຕາມທ້ອງຖະໜົນ. ຂໍ້ມູນກ່ຽວການເດີນທາງ ແລະ ຄ່າໂດຍສານແມ່ນໄດ້ແຈ້ງໃຫ້ລູກຄ້າເຫັນແບບເປີດເຜີຍ ແລະ ໂປ່ງໃສໃນທຸກຖ້ຽວຂອງການເດີນທາງ.
ເພື່ອເປັນການຕ້ອນຮັບການເປີດສາຂາໃໝ່ນີ້, Xanh SM Laos ຈະມີໂປຣໂມຊັ່ນສຸດພິເສດ ມອບໃຫ້ສະເພາະແຂວງສະຫວັນນະເຂດ. ເລີ່ມແຕ່ວັນທີ 01-10/3 ນີ້, ລູກຄ້າທີ່ດາວໂຫຼດແອັບ Xanh SM Laos ແລະ ເອີ້ນຈອງລົດແທັກຊີ ຈະໄດ້ຮັບລະຫັດສ່ວນຫຼຸດ 100% ຈໍານວນ 02 ລະຫັດ ໃນທຸກໆມື້ (ມູນຄ່າສູງສຸດ 50,000 ກີບ). ນອກຈາກນັ້ນ, ເນື່ອງໃນໂອກາດເປີດປີທ່ອງທ່ຽວລາວ ທີ່ແຂວງສະຫວັນນະເຂດ, ບໍລິສັດ ແຊັງ ເອັດສເອັມ ລາວ Xanh SM Laos ຈະສືບຕໍ່ມອບລະຫັດສ່ວນຫຼຸດ 50% ໃຫ້ກັບລູກຄ້າ ຈຳນວນ 100 ລະຫັດ (ມູນຄ່າສູງສຸດ 50,000 ກີບ) ໃນທຸກໆມື້, ສາມາດນໍາໃຊ້ໄດ້ ສູງສຸດ 3 ຖ້ຽວ/ມື້, ນັບແຕ່ມື້ວັນທີ 11 ມີນາ ເຖິງວັນທີ 17 ມີນາ ນີ້.
ໃນເບື້ອງຕົ້ນ, ບໍລິສັດ ແຊັງເອັດສເອັມລາວ ໄດ້ນຳເຂົ້າລົດຍົນ ຍີ່ຫໍ້ VinFast VF5 Plus ຈຳນວນ 100 ຄັນ, ມີສີທີ່ເປັນເອກະລັກຄື ສີຟ້າອ່ອນ, ເຄື່ອນໄຫວຢູ່ ແຂວງສະຫວັນນະເຂດ. ການເລືອກເອົາແຂວງສະຫວັນນະເຂດ ກໍ່ເພື່ອເປັນການຂະຫຍາຍການບໍລິການລົດແທັກຊີໄຟຟ້າ ເຊິ່ງນອນຢູ່ໃນແຜນຍຸດທະສາດຂອງ Xanh SM Laos ທີ່ຈະຂະຫຍາຍການພັດທະນາບໍລິການລົດແທັກຊີໄຟຟ້າໃນ ສປປ ລາວ. ພ້ອມທັງເປັນການປະກອບສ່ວນສ້າງຄວາມນິຍົມທາງດ້ານການເດີນທາງສີຂຽວໃຫ້ປະຊາຊົນທ້ອງຖິ່ນ ແລະ ນັກທ່ອງທ່ຽວສາກົນ. ໃນອະນາຄົດ, ແຊັງເອັດສເອັມລາວ ຈະສືບຕໍ່ຂະຫຍາຍ “ການເດີນທາງສີຂຽວ” ໄປບັນດາແຂວງ, ນະຄອນຕ່າງໆເຊັ່ນ: ນະຄອນຫຼວງພະບາງ, ນະຄອນຈໍາປາສັກ… ໃນຄັ້ງໄປ.
ນອກຈາກນີ້, ການຂະຫຍາຍການບໍລິການຂອງ ແຊັງເອັດສເອັມລາວ ຢູ່ແຂວງສະຫວັນນະເຂດ ຍັງເປັນການປະກອບສ່ວນສ້າງວຽກເຮັດງານທຳ ໃຫ້ປະຊາຊົນທ້ອງຖິ່ນໄດ້ຢ່າງຫຼວງຫຼາຍ, ດ້ວຍຫຼັກສູດການຝຶກອົບຮົມ ຢ່າງເປັນລະບົບ, ມີລາຍຮັບໝັ້ນຄົງ ແລະ ນະໂຍບາຍສະຫວັດດີການຢ່າງເໝາະສົມ.
ຍ້ອນຂໍ້ໄດ້ປຽບທີ່ໂດດເດັ່ນຂອງລົດໄຟຟ້າ VinFast ທີ່ບໍ່ມີການປ່ອຍມົນລະພິດ ແລະ ບໍ່ມີສຽງລົບກວນ, ບໍລິສັດ Xanh SM Laos ໄດ້ສ້າງຄວາມປະທັບໃຈໃຫ້ກັບປະຊາຊົນລາວນັບແຕ່ຄັ້ງທຳອິດ ພາຍຫລັງໄດ້ມີການເປີດຕົວທີ່ນະຄອນຫຼວງວຽງຈັນ ໃນວັນທີ 9 ພະຈິກ 2023. ແອັບ Xanh SM Laos ໄດ້ມີຍອດການດາວໂຫຼດຫຼາຍກວ່າ 200,000 ຄັ້ງໃນເດືອນທຳອິດ ແລະ ໄດ້ຕິດອັນດັບໜຶ່ງຂອງ “ແອັບດາວໂຫຼດຟຣີ” ຢ່າງໄວວາ, ໃນໝວດລາຍການແອັບທ່ອງທ່ຽວໃນ App Store ແລະ Google Play.
ຜົນສຳເລັດຂອງ ບໍລິສັດ ແຊັງເອັດສເອັມລາວ ຢູ່ສາຂາ ນະຄອນຫຼວງວຽງຈັນ ແລະ ເມືອງທ່ອງທ່ຽວ ວັງວຽງ ເປັນບາດກ້າວທີ່ເອື້ອອໍານວຍໃຫ້ບໍລິສັດສາມາດສືບຕໍ່ຂະຫຍາຍການບໍລິການໄປສູ່ແຂວງສະຫວັນນະເຂດ ກໍຄືຫຼາຍແຂວງ ແລະ ນະຄອນໃນຂັ້ນຕໍ່ໄປ./.
| ລູກຄ້າສາມາດສຶກສາຂໍ້ມູນເພີ່ມເຕີມກ່ຽວກັບລົດແທັກຊີໄຟຟ້າ Xanh SM Taxi ຜ່ານ website: https://www.xanhsm.com/laos/ ຫຼື ດາວໂຫຼດແອັບ Xanh SM Laos ຕາມລິ້ງຂ້າງລຸ່ມນີ້: · ສຳລັບ Android: https://bit.ly/XanhSMLaos1 · ສຳລັບ iOS: https://bit.ly/XanhSMLaos2 ລູກຄ້າເອີ້ນຈອງລົດຄັ້ງທຳອິດຈະໄດ້ຮັບລະຫັດສ່ວນຫຼຸດ 50% ຈຳນວນ 02 ລະຫັດ (ມູນຄ່າສູງສຸດ 50,000 ກີບ) ໂປຣໂມຊັ່ນສາມາດນໍາໃຊ້ໄດ້ພາຍໃນ 07 ວັນ ນັບແຕ່ມື້ດາວໂຫຼດ ແລະ ລົງທະບຽນນໍາໃຊ້ແອັບ Xanh SM Laos ເປັນຕົ້ນໄປ. |
